Fréttir

Góð ráð fyrir árangursríka flokkun

Margrét  Hugadóttir    7.2.2018
Margrét Hugadóttir

Fyrsta verkefni nýrra Grænfánaskóla er oft að koma á flokkun. Hér eru nokkur góð ráð sem hjálpa skólum, stofnunum og fyrirtækum að ná árangri. 

  1. TUNNURNAR Notið flokkunartunnur sem eru af sömu gerð en mismunandi eftir flokkunarflokki.
  2. LITUR – Hafið flokkunartunnur í öðrum lit en þær sem eru fyrir almennt rusl.
  3. LOK – Hafið lok á tunnunni sem er fyrir almennt rusl en op á tunnum fyrir endurvinnanleg efni. Með því móti verður „erfiðara“ að henda en flokka.
  4. MERKINGAR – Notið bæði orð og myndir. Ljósmyndir eru einnig sniðugar og jafnvel sýnishorn af því sem í tunnuna á að fara.Project Image
  5. FÆKKA TUNNUM FYRIR ALMENNT – Með því að hafa flokkunartunnur aðgengilegar en almennt rusl síður aðgengilegt, eykst flokkun.
  6. EINFALT ER BETRA – Hafið leiðbeiningar einfaldar og hafið flokkana einfalda. Tilvalið er að flokka plast, pappír, lífrænt og málma. 
  7. Á SAMA STAÐ – Hafið flokkunartunnur á ákveðnum flokkunarstöðum þannig að fólk viti hvar hægt sé að ganga að þeim vísum.
  8. MÆLINGAR – Safnið upplýsingum um magn úrgangs sem fer frá ykkur. Þessar tölur má fá frá þeim aðila sem þjónustar ykkur. Greitt er fyrir magn úrgangs og því hægt að stefna á að minnka það sem fer frá skólanum.  
  9. FYLGIST MEÐ hvernig flokkun gengur. Ef ekki er verið að flokka rétt, reynið að finna rætur vandans. Getur verið að flokkunartunnur séu ekki nógu stórar, eða ekki tæmdar nógu oft? T.d. pappatunnur? 
  10. TYGGJÓ – Í sumum skólum þar sem mikið er flokkað hefur reynst vel að hafa niðurstöðudós á nagla hjá flokkunartunnunum og í hana fer tyggjó. Dósinni má svo henda í almennt rusl.
    Project Image
  11. AF HVERJU? Fræðið starfsfólk og nemendur af hverju það er mikilvægt að flokka.
  12. VIRKIÐ NEMENDUR Gott er að virkja nemendur til að koma flokkuðum úrgangi út í stærri flokkunartunnur sem eru hirtar. Margir skólar eru með „umhverfisálfa“ sem sjá um að fara með pappa, plast og lífrænt í stóru tunnurnar úti. Þetta má t.d. gera einu sinni í viku og láta deildir/bekki skiptast á. 
  13. MINNI NEYSLA – Markmiðið er ekki að endurvinna, heldur að koma í veg fyrir úrgang. Kaupum aðeins það sem er nauðsynlegt og endurnotum sem mest.  

Project Image

ÞETTA ER HÆGT. Munið að þó að verkið virðist óyfirsíganlegt í fyrstu þá er þetta hægt. Sem dæmi má nefna að í Fjölbrautaskólanum við Ármúla þar sem 2200 nemendur sækja skóla daglega er aðeins eina almenna ruslafötu að finna og fáir nota hana. 

Byggt á reynslu CJ May og fjölmargra Grænfánaskóla. Myndirnar eru frá Ártúnsskóla og Fjölbrautaskólanum við Ármúla.

Tögg
Artunsskoli_2017.jpg 

Vista sem PDF

Fréttabréf