Menntun til sjálfbærni

Hugmyndir og hjálpargögn

Skólar á grænni grein eru stærsta innleiðingartæki menntunar til sjálfbærni í heiminum í dag. Á þessari síðu má finna námsefni sem tengist þemum verkefnisins á einhvern hátt. Í Skólum á grænni grein á Íslandi leynist mikill mannauður og deilum við hugmyndum sem reynst hafa vel í skólum um allt land. 

Sjálfbærni, grunnþáttur í menntun á öllum skólastigum: Sigrún Helgadóttir


Fyrirlestur Sigrúnar Helgadóttur fjallar um sjálfbærni almennt, sem og sjálfbærnihefti nýju námskrárinnar en Sigrún er einmitt höfundur þess. Hún byrjar með myndræna kynningu sem fjallar almennt um menntun til sjálfbærni. Í kjölfarið tekur hún fyrir hugtakið sjálfbærni, fer í sögulega samantekt á þróun þess og hvað stendur í vegi fyrir því að sjálfbærni nái fram að ganga í heiminum í dag. Þá fjallar hún um sjálfbærniheftið sjálft og bendir á hvernig sjálfbærni nær yfir alla grunnþætti nýju námskrárinnar og að hún sé mikilvæg til að ná fram þáttum eins og jafnrétti, lýðræði og mannréttindum, heilbrigði og velferð. 

Tögg

Vista sem PDF