Menntun til sjálfbærni - Hugmyndir og hjálpargögn

Stefnan sem unnið er eftir í Skólum á grænni grein kallast sjálfbærnimenntun eða menntun til sjálfbærni og eru Skólar á grænni grein stærsta innleiðingartæki þeirrar stefnu í heiminum í dag. Á þessari síðu má finna námsefni sem tengist verkefninu á einhvern hátt. Í Skólum á grænni grein á Íslandi leynist mikill mannauður og deilum við hugmyndum sem reynst hafa vel í skólum um allt land. 

 

Með menntun til sjálfbærni er stefnt að því að skapa samábyrgt samfélag þar sem allar ákvarðanir og gjörðir taka mið af umhverfi, efnahag og félagslegri sanngirni. Mikilvægt er að þroska hvern einstakling sem virkan borgara, meðvitaðan um gildi sín, viðhorf og tilfinningar gagnvart ofantöldum hlutum bæði heima fyrir og hnattrænt. Þetta á við alla menningarhópa í nútíð og framtíð.

Af stað með úrgangsforvarnir: Námsefni frá Norrænu ráðherranefndinni

Margrét  Hugadóttir    7.2.2017
Margrét Hugadóttir

Hefur þú velt því fyrir þér hverju þú fleygir í ruslið? Og hvað heldur þú að úrgangurinn sé mikill á einu ári? Ef við gerum ráð fyrir því að við fleygjum um 2 kg í ruslafötuna daglega alla 365 daga ársins, getum við reiknað út að hver og einn fleygir u.þ.b. 730 kg í ruslið árlega. Þetta verður mikill úrgangur þegar við erum mörg, t.d. allir nemendur í einum bekk. Gætum við notað eitthvað af þessu aftur eða á annan hátt?

Námsefni og kennsluleiðbeiningar

Námsefnið Af stað með úrgangsforvarnir er gefið út af Norrænu ráðherranefndinni í samstarfi við Landvernd. Námsefnið er ætlað miðstigi og efri bekkjum grunnskóla en þó má nota það í náttúrufræðikennslu og tæknimennt allra skólastiga. Efnið skiptist í nemendahefti og kennsluleiðbeiningar og eru þau aðgengileg hér á síðunni sem rafbækur og pdf skjöl til niðurhals. 

Tískusóun, fatasóun og raftækjasóun

Markmið námsefnisins er að auka skilning á umhverfisáhrifum neyslu og úrgangsmyndunar bæði staðbundið og hnattrænt. Höfuðáhersla er lögð á að koma í veg fyrir myndun úrgangs, nýta auðlindir sem best og koma í veg fyrir framleiðslu ónauðsynlegs varnings. Í heftunum er að finna fjölda skemmtilegra verkefna sem fjalla um hvernig við getum komið í veg fyrir myndun úrgangs frá fatnaði, mat og rafeindatækjum.

Rafbækur

Nemendahefti

Kennsluleiðbeiningar

 

Pdf-útgáfa

Á ráðstefnu Skóla á grænni grein þann 10. febrúar 2017 kynntu Margrét Hugadóttir, sérfræðingur hjá Skólum á grænni grein og dr. Rannveig Magnúsdóttir, verkefnastjóri hjá Landvernd námsefnið. Skoða kynningu.

Tögg
Urgangsforvarnir_vef.jpg 

Vista sem PDF