Menntun til sjálfbærni - Hugmyndir og hjálpargögn

Stefnan sem unnið er eftir í Skólum á grænni grein kallast sjálfbærnimenntun eða menntun til sjálfbærni og eru Skólar á grænni grein stærsta innleiðingartæki þeirrar stefnu í heiminum í dag. Á þessari síðu má finna námsefni sem tengist verkefninu á einhvern hátt. Í Skólum á grænni grein á Íslandi leynist mikill mannauður og deilum við hugmyndum sem reynst hafa vel í skólum um allt land. 

 

Með menntun til sjálfbærni er stefnt að því að skapa samábyrgt samfélag þar sem allar ákvarðanir og gjörðir taka mið af umhverfi, efnahag og félagslegri sanngirni. Mikilvægt er að þroska hvern einstakling sem virkan borgara, meðvitaðan um gildi sín, viðhorf og tilfinningar gagnvart ofantöldum hlutum bæði heima fyrir og hnattrænt. Þetta á við alla menningarhópa í nútíð og framtíð.

Endurskoðun umhverfisgátlista og skrefanna sjö

Katrín Magnúsdóttir    12.12.2013
Katrín Magnúsdóttir

Fyrirlestur Steins Kárasonar fjallar um uppfærslu á gátlista Grænfánans og skrefunum sjö. Auk þess um gerð ítarefnis um hvert hinna tíu þema verkefnisins. Steinn fjallar einnig um gerð gagnagrunns, sem kallast Rafrænn Grænfáni, þar sem þátttakendur í geta hlaðið inn verkefnum sem nýtast við Grænfánaverkefnið og þannig deilt með öðrum þátttakendum verkefnisins. 

Tögg

Vista sem PDF