Menntun til sjálfbærni - Hugmyndir og hjálpargögn

Stefnan sem unnið er eftir í Skólum á grænni grein kallast sjálfbærnimenntun eða menntun til sjálfbærni og eru Skólar á grænni grein stærsta innleiðingartæki þeirrar stefnu í heiminum í dag. Á þessari síðu má finna námsefni sem tengist verkefninu á einhvern hátt. Í Skólum á grænni grein á Íslandi leynist mikill mannauður og deilum við hugmyndum sem reynst hafa vel í skólum um allt land. 

 

Með menntun til sjálfbærni er stefnt að því að skapa samábyrgt samfélag þar sem allar ákvarðanir og gjörðir taka mið af umhverfi, efnahag og félagslegri sanngirni. Mikilvægt er að þroska hvern einstakling sem virkan borgara, meðvitaðan um gildi sín, viðhorf og tilfinningar gagnvart ofantöldum hlutum bæði heima fyrir og hnattrænt. Þetta á við alla menningarhópa í nútíð og framtíð.

   15.10.2015

Landshlutafundir 2015

Hægt er að hlaða niður glærum frá Landshlutafundum hér.

Á landshlutafundunum verða kynntar breytingar við framkvæmd skrefanna sjö. Sem dæmi um breytingar eru nýtt og nemendamiðaðra umhverfismat (í stað gátlistans), nýjar aðferðir við markmiðssetningu auk nýs úttektarfyrirkomulags.

Einnig verða kynntar breytingar sem snúa að tengingu Skóla á grænni grein við aðalnámskrá. Einn af grunnþáttum nýrrar aðalnámskrár er einmitt sjálfbærni sem er eitt megininntak verkefnisins skólar á grænni grein. 

Dagskrá:

  1. Kynning og umræða um sjálfbærni og menntun (12:00 - 13:00)
     
  2. Skrefin sjö - verkefnavinna (13:00 - 16:15)​
    1. skref: Umhverfisnefnd  
    2. skref: Umhverfismat 
    3. skref: Áætlun um aðgerðir og markmið 
      •  Nýtt markmiðssetningareyðublað - Excel - Word
    4. skref: Eftirlit og endurmat   
      K A F F I
       
    5. skref: Námsefnisgerð og tenging við aðalnámskrá 
    6. skref: Að upplýsa og fá aðra með
    7. skref: Umhverfissáttmáli
       
  3. Úttekt Landverndar (16:15 - 16:30)
  4. Samantekt og mat á fundinum (16:30 - 17:00) 
Tögg

Vista sem PDF