Menntun til sjálfbærni - Hugmyndir og hjálpargögn

Stefnan sem unnið er eftir í Skólum á grænni grein kallast sjálfbærnimenntun eða menntun til sjálfbærni og eru Skólar á grænni grein stærsta innleiðingartæki þeirrar stefnu í heiminum í dag. Á þessari síðu má finna námsefni sem tengist verkefninu á einhvern hátt. Í Skólum á grænni grein á Íslandi leynist mikill mannauður og deilum við hugmyndum sem reynst hafa vel í skólum um allt land. 

 

Með menntun til sjálfbærni er stefnt að því að skapa samábyrgt samfélag þar sem allar ákvarðanir og gjörðir taka mið af umhverfi, efnahag og félagslegri sanngirni. Mikilvægt er að þroska hvern einstakling sem virkan borgara, meðvitaðan um gildi sín, viðhorf og tilfinningar gagnvart ofantöldum hlutum bæði heima fyrir og hnattrænt. Þetta á við alla menningarhópa í nútíð og framtíð.

Vistheimt á gróðursnauðu landi - Handbók

Margrét  Hugadóttir    13.11.2017
Margrét Hugadóttir

Út er komin handbókin
Vistheimt á gróðursnauðu landi.

Bókin er eftir dr. Rannveigu Magnúsdóttur sérfræðing hjá Landvernd og er hún ætluð bæði nemendum og kennurum og leiðbeinir þátttakendum í Vistheimtarverkefni Landverndar

Vistheimt

 

Á sama hátt og bein eru lengi að gróa getur það tekið mjög langan tíma fyrir skemmd eða röskuð vistkerfi að ná bata. Þótt komin sé gróðurþekja á svæði sem áður var gróðurlaust þýðir það ekki endilega að vistkerfið hafi náð fullum bata. Þessu má líkja við það þegar maður er laus við gifs eftir fótbrot þá er fóturinn enn veikburða þó beinið sé gróið. Þar sem mikið rask hefur orðið á vistkerfum getur tekið áratugi eða jafnvel aldir fyrir þau að ná bata. Ferlið við að bæta skemmt vistkerfi þannig að það verði heilbrigt á ný er kallað vistheimt eða endurheimt vistkerfis. Vistheimt er því ferli sem stuðlar að bata vistkerfis sem hefur hnignað, skemmst eða eyðilagst. Í vistheimt er beitt ákveðnum aðgerðum til að skila vistkerfunum til fyrra ástands og skapa getu til að veita þjónustu. Endurheimt vistkerfi eru þó ekki nákvæmar eftirlíkingar af upphaflegu vistkerfi enda eru þau síbreytileg í eðli sínu vegna breytilegra umhverfis.

 

Sækja handbók

Rannveig kynnti bókina á ráðstefnu Skóla á grænni grein 2017, Ekki lengur grænjaxlar: Hvert nú?. Hér má skoða kynningu Rannveigar.

Tögg
Vistheimtarrebbi.jpg 

Vista sem PDF